KLINIKE ALERGOLOGJIE Dr. Gjustina Loloçi ofron vizita mjekësore dhe ekzaminime të ndryshme për diagnostikimin e sëmundjeve alergjike
Konsultë me mjeken alergologe për të identifikuar dhe trajtuar sëmundjet alergjike. Konsulta përfshin historinë e plotë mjekësore dhe përzgjedhjen e testimeve të nevojshme që ndihmojnë për vendosjen e një diagnoze të saktë
Trajtim afatgjatë për të reduktuar ndjeshmërinë ndaj alergeneve specifike përmes vaksinimeve të rregullta
Test për të identifikuar alergjitë ndaj alergeneve të ajrit si poleni, pluhuri, sporet e mykut, dhe epiteli i kafshëve përmes aplikimit të alergeneve në lëkurë, shpimit të lehtë të lëkurës në vendin e aplikimit dhe monitorimit të reaksionit
Test për të identifikuar alergjitë ushqimore përmes aplikimit të alergeneve ushqimore në lëkurë, shpimit të lehtë të lëkurës në vendin e aplikimit dhe monitorimit të reaksionit
Test për të identifikuar alergjitë prej pickimit të insekteve, duke përfshirë bletët, grerëzat, dhe insekte të tjera, përmes aplikimit të alergeneve të insekteve në lëkurë, shpimit të lehtë të lëkurës në vendin e aplikimit dhe monitorimit të reaksionit
Test për të identifikuar dermatitin e kontaktit përmes aplikimit të substancave të ndryshme në lëkurën e shpinës dhe monitorimit të reaksionit pas disa ditësh
Test për të identifikuar alergjitë ushqimore përmes aplikimit të ushqimeve të freskëta direkt në lëkurë, shpimit të lehtë të lëkurës në vendin e aplikimit dhe monitorimit të reaksionit
Test për të vlerësuar reaksionet alergjike të vonuara përmes injektimit të serumit të vetë pacientit në lëkurë
Test për të identifikuar alergjitë ndaj medikamenteve specifike përmes administrimit të dozave të vogla deri në dozën trajtuese dhe monitorimit për reaksione (kryhet nga mjekja alergologe në ambiente spitalore)
Test për të vlerësuar reagimin e lëkurës ndaj nxehtësisë dhe të ftohtit përmes ekspozimit të lëkurës ndaj objekteve me temperatura të ndryshme
Test për të vlerësuar astmën e nxitur nga aktiviteti fizik përmes monitorimit të funksionit respirator dhe gjithashtu për të vlerësuar shfaqjen e elementeve në lëkurë përmes vëzhgimit të lëkurës para dhe pas aktivitetit fizik
Test për të matur kapacitetin dhe funksionin e mushkërive përmes frymëmarrjes dhe frymënxjerjes në një pajisje
Test për të matur nivelin e oksidit të azotit në frymëmarrje, i cili mund të tregojë inflamacion në rrugët e frymëmarrjes për një monitorim sa më të mirë të astmës
Test nëpërmjet gjakut i cili mat nivelet e imunoglobulinave IgE specifike ndaj alergeneve të ndryshme
Test shumë specifik nëpërmjet gjakut i cili është një inovacion në identifikimin e alergjive përmes analizimit të strukturës molekulare të imunoglobulinave IgE
Trajtim për të reduktuar ndjeshmërinë prej pickimeve të insekteve si bleta dhe grerëza përmes ekspozimit gradual ndaj alergeneve të tyre (kryhet nga mjekja alergologe në ambiente spitalore)
